Rihanna yongeye gutanga ibyishimo ku bafana be nyuma yo gutangaza ko agiye kugaruka muri muzika akongera kugaragara ku rubyiniro.
Uyu muhanzikaze wakoze indirimbo nyinshi zamamaye cyane kw’isi zirimo n’iyitwa ‘Diamonds’ mu ntangiriro z’umwaka utaha wa 2023 nibwo azagaragara ku rubyiniro rwambere nyuma y’imyaka ine yose yaritaruye ibya muzika yibereye mu bindi birimo n’ubushabitsi.
Mu kugaruka muri muzika kwa Rihanna , bwambere azagaragara mu gitaramo gikomeye cya Super Bowl Halftime Show kizaba muri 2023.
Mu kwemeza aya makuru , NFL yabitangarije kurukuta rwayo rwa Twitter , aho bavugaga ko Rihanna azaba agaragara mu gitaramo cyabo kiri imbere.
Rihanna nawe yahise ayemeza abinyijije ku rukuta rwe rwa Instagram aho yerekanye ifoto afite umupira wa Baseball mu kiganza cye byemeza neza ko azaririmba mu mukino wa Super Bowl LVII nyuma y’imyaka 4 atagera ku rubyiniro.
Byahisebinavugwa ko iki ari igitekerezo kiza NFL yagize kigomba gutuma basakara muri buri mitwe ya buri kinyamakuru bitewe n’uku kugaruka kwa Rihanna ufite abakunzi benshi kandi bari bamaze igihe batamubona muri muzika.
Bwanbere agishyira ifoto afite umupira mu kirere , abenshi babanje gutekerezako ari gutangaza ko atwite undi mwana wa kabiri , maze bakubitwa n’inkuba ubwo batungurwaga no kubona ari ibya muzika ye batamuherukagamo.
Byitezwe ko iki gitaramo kizaba kiri ku rwego rwo hejuru bitewe n’uko aricyo cya mbere Rihanna azaba agarukiyemo nyuma y’imyaka myinshi akumbuwe n’abatari bacye , aho yari yaritaruye muzika akajya kwita kumushinga we wa ‘Fenty Beauty and Skin’.
Sinibyo gusa kuko muri icyo gihe yari amaze atagaragara muri muzika byanagendanye no kubyara umwana we mbere w’umuhungu afitanye n’umuraper Asap Rocky bibarutse muri uyu mwaka wa 2022.
