Ikipe y’igihugu y’abagore mu mukino wa VolleyBall , nyuma yo kwitwara neza igatsinda Algeria amaseti 3-2 mu mukino wa 1/4 utari woroshye wabaye kuri uyu wa Kabiri mu gikombe cya Afurika kiri kubera muri Cameroun , aba bakobwa batangiye gutuma benshi barabya indimi batangira no kuvugishwa kubera imyambarire n’ubwiza byabo hari abatangiye kubaza uburyo bajya kwihera ijisho kuri ibi biremwa.
Nyuma y’uko bitwaye neza bagatsinda umunyamakuru wa RBA witwa Rigoga Ruth yashyize hanze amwe mu mafoto y’abakobwa bitwaye neza muri uyu mukino, maze arenzaho amagambo agira Ati: “Yitwa Alba umukinnyi w’ikipe y’Igihugu iri kwitegura gukina umukino wa 1/2 mu mikino y’Igikombe cy’Afurika kiri gukinirwa muri Cameroun”
Imfurayacu Jean Luc umunyamakuru uzwi cyane hano mu Rwanda agitera akajisho kuri aya mafoto yahise yifuza kumenya uko gahunda z’iyi mikino zimeza mu magambo yanditse agira Ati; “BRAVO KU BAKOBWA B’IKIPE Y’IGIHUGU YA VOLLEYBALL 🇷🇼🏐@rigogaruth , calendar ya shampiyona nisohoka uzayinshangemo sinzongera gusiba ku kibuga! ABA BAKOBWA BAZI GUKINA PE!… Bonne chance kuri match ya Egypt saa 17H00.”
