Kim Kardashian yagaragaye yamamaza imyambaro y’imbere y’abagabo n’abagore ikozwe muri Plastique bivugisha abatari bake kumbuga nkoranyambaga.
Iyi myambaro y’imbere igaragaza imiterere y’abagore n’abagabo iri mu yo asanzwe akora yise ‘Skims’. Yayishyize hanze kuri uyu wa Mbere tariki 26 Kamena ubwo yatangizaga ubukangurambaga bwo koga bujyanye n’igihe cy’impeshyi.
Mu mafoto yagiye hanze agaragaza Kim Kardashian ahagaze yambaye ‘bikini’, uturindantoki [gants] n’inkweto ndende byose by’umukara akikijwe n’abasore babiri bamufashe ku matako bambaye imyambaro y’imbere y’abagabo izwi nka ‘boxer’ nayo y’umukara.
Mu yindi foto, Kim Kardashian agaragara aryamye yejuru y’umusore bose bambaye imyambaro y’imbere gusa uyu mugore yambaye amadarubindi manini y’umukara.
Iya gatatu igaragaza Kim Kardashian aryamye kuri wa musore bose bambaye imyambaro y’imbere bakikijwe n’undi musore n’inkumi ebyiri basa nk’abari mu byicungo.
Aya mafoto yafashwe na Steven Klein usanzwe akorana na Kim Kardashian bya hafi.
