Mu muhango wo gusaba no gukwa mu bukwe bwa The Ben bwabereye mu busitani buhebuje bwitabiriwe n’ibyamamare byinshi mu ngeri zose haba mu banyamakuru , abakinnyi ba ruhago n’aba sinema , gusa tutibagiwe abahanzi benshi baburagamo Meddy w’inshuti ya The Ben by’akataraboneka.
Umuhango wo gusaba no gukwa Uwicyeza Pamella wabereye mu busitani bwitwa Jalia buherereye mu Karere ka Gasabo mu Murenge wa Rusororo. The Ben yageze muri salle yabereyemo ibirori byo gusaba no gukwa ahagana saa Cyenda z’igicamunsi.
Yambariwe n’umuhanzi ubifatanya n’itangazamakuru Andy Bumuntu, Igor Mabano, umushoramari utuye muri Amerika Jimmy akaba inshuti y’akadasohoka ya The Ben, Umuraperi K8 Kavuyo, Christopher, OG The General, Intore Frank n’abandi.
Mu bindi byamamare byagaragaye muri ubu bukwe harimo Umuhanzi wa Gospel Israell Mbonyi, Anitha Pendo, Miss Josiane, David Bayingana, Muyoboke Alex, Noopja nyiri Country Records yakorewemo indirimbo The Ben yahimbiye Pamella, Uncle Austin, umukinnyi wa filime Yvan, Aristide Gahunzire wabaye manager wa Marina muri The Mane, Sadate Munyakazi wabaye Perezida wa Rayon Sports n’abandi.
Nubwo ibi birori byitabiriwe n’ibyamamare ariko, Umuhanzi Ngabo Medard wamamaye nka Meddy wari witezwe na benshi ntiyigeze ahagaragara.
Twamenye ko Meddy wari witezwe kwitabira ubu bukwe, atari bwitabire ahubwo ko azitabira umuhango wo gusezerana imbere y’Imana n’Itorero ndetse no kwiyakira uteganyijwe tariki 23 Ukuboza 2023 muri Kigali Convention Centre. Aya makuru akomeza avuga ko uyu muhanzi azagera mu Rwanda mu cyumweru gitaha.
Bivugwa ko Meddy yari umwe mu bagombaga kwambarira The Ben mu birori byo gusaba no gukwa, ariko gahunda zitunguranye zituma ahitamo kuzitabira umuhango wo gusezerana imbere y’Imana n’Itorero ndetse no n’Ibirori byo kwiyakira.
And Bumuntu yari yambariye The Ben
Umuraperi K8 Kavuye ntiyatanzwe mu bukwe bwa mushuti kuko nawe yari mubamwambariye.
Christopher Muneza yari yambariye The Ben mu muhango wo gusaba no gukwa.
The Ben yambitse impeta Pamella
Masamba Intore umunyerewe mu ndirimbo ziryoshya ibirori by’ubukwe yari ahari.
Umunyamakuru akaba n’umuhanzi Uncle Austin yitabiriye ibirori by’ubukwe bwa The Ben.
Ibi birori byabereye mu busitani bwa Jali Garden buherereye i Rusororo.
Abdul Rwatubyaye na Biramahire Abeddy bazwi muri ruhago bari baje gushyigikira The Ben na Pamella.
Umuhanzi w’icyamamare mu ndirimbo zo kuryamya no guhimbaza Imana Israel Mbonyi yasusurukije abari mu bukwe bwa The Ben.
Gabby Irene Kamanzi yari yaje mu bukwe yambaye umukenyero.
