Amateka yisubiyemo, Israel Mbonyi yongeye kuzuza BK Arena mu gitaramo cyanyuze abakunzi b’umuziki we mu ijoro ryo ku wa 25 Ukuboza 2023, aho baririmbanye nyinshi mu ndirimbo ze ziganjemo izo bakunze kuva mu myaka ya vuba kugeza no ku zo hambere.
Iki gitaramo yise ‘Icyambu Live Concert’, Israel Mbonyi yari yateguye kukimurikiramo album ye nshya yise “Nk’umusirikare”, iyi ndirimbo yayitiriye akaba ari na yo yinjiriyemo ku rubyiniro.
Israel Mbonyi wavangaga indirimbo ze nshya ziganjemo iziri kuri iyi album ye nshya n’izo mu myaka yo ha mbere, yaririmbanaga n’imbaga y’abakunzi b’umuziki we.
Nyuma y’isaha irenga aririmbira abakunzi be, Israel Mbonyi yafashe akaruhuko ajya guhindura imyenda, asigira umwanya Pastor Julienne Kambanda wagombaga kwigisha ijambo ry’Imana.
Uyu mugore na we wakoresheje hafi iminota 30, yigishije ijambo ry’Imana ahereye ku buhamya bw’uko yakijijwe aboneraho gusaba abifuza kwakira agakiza guhaguruka akabasengera.
Mu gice cya kabiri cy’iki gitaramo, Israel Mbonyi wari wateguriwe urubyiniro hagati mu bafana, yabegereye abashimira kwitabira igitaramo cye ku bwinshi.
Ubwo yari hagati mu bafana, Israel Mbonyi yaririmbye zimwe mu ndirimbo z’abahanzi bagenzi be bakora umuziki wo kuramya no guhimbaza Imana, arangije arahava asubira ku rubyiniro rwe, imbere y’abafana be.
Nyuma yo gusubira ku rubyiniro runini, Israel Mbonyi yongeye kuvanga indirimbo ze zakunzwe mu minsi ishize n’iziri kuri album ye nshya kimwe n’inshya yanafatiraga amashusho mu gitaramo.
Ageze ku ndirimbo Nina Siri, Mbonyi yahagurukije abakunzi be barayiririmbana kugeza irangiye bamwe batangira gutaha, uyu muhanzi na we waganaga ku musozo aboneraho gusezera abakunzi be.
Igitaramo cya Israel Mbonyi cyari cyitabiriwe n’abantu batandukanye biganjemo ibyamamare nka The Ben, Ommy Dimpoz wo muri Tanzania, VJ Spinny wo muri Uganda, Uncle Austin, Muyoboke Alex, Noopja, Massamba Intore na Aimé Uwimana.
Ahari hagiye gutaramira Israel Mbonye wahaye abantu ibyishimo bya Noheli.
Kabuhariwe mu kuvanga imiziki Dj Spinny niwe wabanje gushyushya abari muri Bk Arena .
Angelique Gitwaza umugore w’umuvugabutumwa Apotre Gitwaza.
Abakinnyi ba Police Fc Nshuti Dominique Xavien na Bienvenue bari baje kwiyegereza Imana kuri Noheli.
Byari ibyishimo ku bakinnyi ba ruhago bari baje kurya Noheli bahimbaza Imana.
Israel Mbonyi yageze kurubyiniro ashimisha abari bamutegereje bose bakunda indirimbo ze zo kuramya no guhimbaza Imana.
Iki gitaramo cyari kitabiriwe ku rwego rwo hejuru kuburyo Arena yari yuzuye hose.
Alex Muyoboke ,Intore Masamba ndetse na Vj Spinny kuva Uganda
Mugisha Benjamin uzwi nka The Ben uherutse gukora ubukwe yari yaje kwifatanya na Israel Mbonyi wamutahiye ubukwe.
Israel Mbonyi yataramiye abakunzi be abamara ipfa babona ibyishimo bisendereye.
Gacinya wigeze kuyobora Rayon Sports nawe yari muri BK Arena yizihiza Noheli.
Umukinnyi wa firime uzwi nka Madedeli muri Papa Sava yari yuzuye umwuka.
The Ben utari wazanye n’umugore we Pamella aha yari kumwe n’umubyinnyikazi kabuhariwe Sherrie Silver.
Ommy Dimpoz Noheli yayiririye mu Rwanda.
Pastor Kabanda Julienne yatanze ikigisho muri iki gitaramo.
Umunyamakuru Sam Karenzi.
Dj Ira yari yaje kwiyegereza Imana ibyakazi ko kuvanga imiziki yabyegeje hirya.
