Mu birori yerekaniyemo Ep ye yise Touch The Sky Umuhanzi Uwayezu Ariel , wamenyekanye muri muziki nyarwanda nka Ariel Wayz yarize arahogora ubwo yaririmbiraga mama we indirimbo yamuhimbiye muri ibi birori yanakatiyemo Keke y’isabukuru ye y’amavuko.
Mu ijoro ryahise ryo kuwa kane tariki 9 Nzeri 2022 , nibwo umuhanzi Ariel Wayz yamuritse Ep igizwe n’indirimbo esheshatu (6) zirimo iyo yahimbiye umubyeyi we yise Mpaka ari nayo ya mbere kuri iyi Ep , uyu muhanzi ubwo yamurikiraga abakunzi be iyi Ep yageze kuri iyi ndirimbo ahagurutsa umubyeyi we arayirimba asuka amarira.
Yari imbere y’imbaga y’abahanzi bagenzi be , abavandimwe be ndetse n’abakunzi be , ni mu birori byabereye ahitwa Envision , bamwe mu babyitabiriye harimo ababyeyi ba Ariel Wayz umuhanzi akaba n’umunyamakuru Andy Bumuntu , umuhanzikazi Alyn Sano n’abandi.
Ubuhanga bwa Ariel Wayz bwongeye kwigaragaza muri iki gitaramo kuko yamaze amasaha aririmba kandi mu buryo bwa Live , uyu muhanzi yaboneyeho gushima ababyeyi be bamushyigikiye mu muziki ariko kandi nabo bavuga ko ari umugisha kuribo.
