Ikipe ya Arsenal yo mu Bwongereza ikomeje gushimangira ko ikiri umukandida w’igikombe nubwo mukeba wayo akiyirusha amanota ariko ikaba yamutsinze.
Shampiyona y’umupira w’amaguru mu Bwongereza yakomezaga iri joro gusa mu mikino yari iterejwe umukino wa Arsenal na Liverpool abantu bose bari bawuhanze amaso ku buryo abantu bose i saa kumi n’ebyri z’umugoroba i Kigali zasanze abakunzi ba ruhago bose bicaye imbere ya televiziyo bategereje kureba uyu mukino.
Aya makipe yombe n’amakipe akaze ndetse y’ibigwi ikindi akunzwe n’abatari bake dore ko ahataniye n’igikombe cya shampiyona, sibyo gusa hari n’ibindi zihuriyeho mbese guhura kwazo byari bifite uburemere budasanzwe gusa byaje gusoza ikipe ya Arsenal yari yakiriye uyu mukino iwutsinze ku bitego 3-1 itahana amanota atatu imbumbe.
Ikipe ya Liverpool uyu n’umukino wa kabiri ikinnye nyuma yuko umutoza wayo Jurgen Kloop asezeye avuga ko umwaka utaha atazongera gutoza iyi kipe yo mu Bwongereza yaramazemo imyaka myinshi, gusa abakinnyi be bari bihaye intego yo gukora uko bashoboye ngo bamusezera neza gusa uyu mukino wo byanze baratsindwa.
