Inzego z’umutekano muri Uganda, zataye muri yombi umusore ukekwaho kuba inyuma y’urupfu rw’umukobwa bakundanaga witwa Ruth Ahereza.
Polisi ya Busoga ikorera mu Burasirazuba,Ivuga ko uyu musore w’imyaka 25 yafatiwe mu mujyi wa Ivukula mu karere ka Namutumba ubwo yaragarutse mu rugo yabanagamo na nyakwigendera mbere yuko atoroka aje gufata ibikoresho byo mu nzu ngo abijyane aho yaramaze igihe yihisha hisha.
Raporo yashyizwe hanze n’inzego z’umutekano igaragaza ko Ahereza yabanaga n’uyu musore kuva muri Mutarama 2023 bakaza gutandukana muri ku itariki ya 06 Kanama 2023 nkuko ikinyamakuru Daily Monitor kibitangaza dukesha iyi nkuru.
Ms Diana Nandawula, Umuvugizi wa Polisi ikorera mu Burasirazuba bwa Busoga yemeje aya makuru anavuga ko hari ibimenyetso byatangiye kugaragara kuri uyu musore bishobora kwifashishwa mu iperereza ryatangiye.
Yagize ati “Nibyo koko yatawe muri yombi nyuma yuko umukobwa bakundanaga yishwe. Hari ibimenyetso byatangiye kugaragara bishobora kwifashishwa mu iperereza”.
Umurambo wa nyakwigedera wahise ujyanywa ku bitaro gukorerwa isuzumwa ngo hamenyekane ikihishe inyuma y’uru rupfu.
Ms Diana Nandawula, Umuvugizi wa Polisi ikorera mu Burasirazuba bwa Busoga
