Itangazo ryasohowe na Minisiteri y’Ubuzima no kurwanya SIDA ku wa kabiri tariki 21 Mata 2020 mu Burundi, rivuga ko abo bantu batanu bari mu bantu 198 bahuye n’abandi batanu basuzumwemo Coronavirus.
Kugeza ubu, abantu 11 nibo bamaze kumenyekana ko banduye Coronavirus mu Burundi.
Muri iryo tangazo, Minisiteri y’Ubuzima ivuga kandi ko bakomeza gukurikirana abandi bantu baba barahuye n’abo barwayi kugira ngo na bo basuzumwe.
Iyi minisiteri ikomeza ivuga ko abarwayi batanu ba mbere bongeye gusuzumwamo Coronavirus ku itariki ya 18 n’iya 19 z’ukwa kane 2020 bagasanga nta virus bagifite, bityo bakaba bahawe uburenganzira bwo gusubira mu miryango yabo kuri uyu wa 21/04/2020.
Coronavirus yatangiye kumenyekana mu Burundi ku wa 31 Werurwe 2020.
Facebook Comments Box
