Hagiye kuba igitaramo cya Christmas Carols gitegurwa na Chorale De Kigali ikorera muri Kiliziya Gatorika St Michel, ni igitaramo kigamije kwinjiza abantu mu minsi mikuru bishimye.
Iyi Chorale ni imwe muri Chorale zikunzwe cyane hano mu gihugu cy’u Rwanda dore ko idakora indirimbo zo kuramya no guhimbaza Imana gusa ahubwo ikora n’indirimbo zo kwidagadura twakwita Classic aho yanasubiyemo indirimbo ikunzwe cyane mu mupira w’amaguru ya UEFA Champions League.
Iyi chorale kandi izwiho kuba ifite abanyamuryango benshi bagera mu ijana n’abandi barenga dore ko ubwo habaga ikiganiro n’abanyamakuru twaje gusobanurirwa ko Chorale De Kigali atari Chorale gusa ahubwo yamaze kuba umuryango cyangwa association, ndetse ko yiyandikishije guhera 1987 imaze umwaka ishinzwe.
Chorale De Kigali igiye gukora iki gitaramo ku nshuro ya cumi kuko cyatangiye gukorwa guhera muri 2013 kugeza ubu, ndetse kimaze kuba ubukombe kuko cyamaze kuba ingarukamwaka aho kigenda kigira udushya kuko buri mwaka iyi chorale itungurana mu ndirimbo ndetse bikanezeza abitabiriye.
Uyu mwaka rero Visi Perezida w’iyi Chorale yatangaje ko mu ndirimbo ziteganyijwe harimo eshatu zisanzwe zikorwa harimo niyo ya UEFA Champions League gusa harizo yirinze kuvuga kuko zihishiwe abazaba bitabiriye icyo gitaramo cya Christmas Carols.
Amatike ni kimwe mu bintu byibajijweho kuri iki gitaramo cyane ko hari abava hirya no hino ariko mu bisobanuro abayobozi ndetse n’abaterankunga biki gitaramo kizabera BK Arena , batangaje ko umuntu uguze itike afite ikarita bita BK Arena Prepaid card agabanyirizwa.
Amatike ari mu byiciro bine iya 5000frw, 10,000frw, 15,000frw ndetse naya 50,000frw akaba aboneka ku rubuga www.ticquet.rw gusa ku bantu bo batabasha gukoresha murandasi hateganyijwe ko ku munsi w’igitaramo hari abantu bazaba bafasha kubona amatike byoroshye mu gihe ariko atarashira.
Iki gitaramo kizatangira saa 6h00 z’umugoroba ariko imiryango izafungurwa saa 3h00 z’amanywa.
Video igaragaza uko byari bimeze mu kiganiro n’abanyamakuru babaza Chorale de Kigali n’abandi ibibazo bitandukanye
Inkuru yanditswe na Muhinda Kevin / Video : Ufitinema Wilson
BAKUNZI B’IKINYAMAKURU BABITIMES.COM TURAGUSABA KUDUSHYIGIKIRA UGAKANDA HANO MAZE UKORE FOLLOW NA LIKE KURI FACEBOOK PAGE YA BABI TIMES KUGIRANGO AMAKURU AJYE AKUGERAHO MBERE AKIRI MASHYA
BAKUNZI B’IKINYAMAKURU BABITIMES.COM TURAGUSABA KUDUSHYIGIKIRA UGAKANDA HANO MAZE UKORE FOLLOW NA LIKE KURI INSTAGRAM YA BABI TIMES KUGIRANGO AMAKURU AJYE AKUGERAHO MBERE AKIRI MASHYA
