Minisiteri y’Ubuzima (MINISANTE) yatangaje ko kuri uyu wa Gatatu tariki 19 Kanama 2020 mu Rwanda abantu 15 bakize icyorezo cya COVID-19, mu gihe habonetse abarwayi bashya 67.
Abo barwayi bashya 67 barimo abacuruzi 50 babonetse i Kigali bapimwe mu masoko yafunzwe. I Rusizi habonetse 16 bapimwe mu bibasiwe kurusha abandi, undi umwe yabonetse i Kirehe.
Muri rusange kugeza kuri uyu wa Gatatu abamaze gukira bose hamwe ni 1,698 naho abakivurwa ni 936. Iki cyorezo mu Rwanda kimaze kuboneka ku bantu 2,664.
Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
Facebook Comments Box
