Minisiteri y’Ubuzima iratangaza ko kuri iki Cyumweru tariki 28 Kamena 2020 mu Rwanda habonetse abarwayi bashya makumyabiri na babiri ba COVID-19.
Abo barwayi makumyabiri na babiri babonetse mu bipimo 3,002 byafashwe kuri iki Cyumweru, abamaze kuboneka mu Rwanda banduye icyo cyorezo bose hamwe baba 900.
Minisiteri y’Ubuzima iravuga ko abo barwayi bashya 22 barimo abagaragaye i Rusizi umunani (8), i Rubavu habonetse barindwi(7), i Kigali habonetse batandatu (6) naho undi umwe (1) yabonetse i Kirehe.
Abantu mirongo itatu mu bari barwaye bakize, abamaze gukira bose hamwe baba 443, naho abakirwaye ni 455.
Abamaze kwicwa n’icyo cyorezo mu Rwanda ni babiri.
Minisiteri y’Ubuzima isaba abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
