Minisiteri y’Ubuzima yatangaje ko kuri uyu wa Kane tariki 23 Nyakanga 2020, mu Rwanda habonetse abarwayi bashya 21 banduye COVID-19.
Abo barwayi 21 babonetse mu bipimo 5,534, abamaze kuboneka mu Rwanda banduye icyo cyorezo bose hamwe baba 1,710.
Minisiteri y’Ubuzima yasobanuye ko abo barwayi bashya 21 barimo barindwi babonetse muri Kigali, (abapimiwe mu duce turi mu kato), barindwi babonetse muri Rusizi, na barindwi muri Nyamasheke.
Abantu 22 mu bari barwaye bakize kuri uyu wa Kane, naho abamaze gukira bose hamwe baba 889, mu gihe abakirwaye ari 816.
Abamaze kwicwa n’icyo cyorezo mu Rwanda ni batanu.
Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
Facebook Comments Box
