Minisiteri y’Ubuzima yatangaje ko kuri uyu wa Kane tariki 30 Nyakanga 2020, mu Rwanda habonetse abarwayi bashya 31 banduye COVID-19.
Abo barwayi 31 babonetse mu bipimo 4,066, abamaze kuboneka mu Rwanda banduye icyo cyorezo bose hamwe baba 1,994.
Minisiteri y’Ubuzima yasobanuye ko abo barwayi bashya 31 barimo 13 babonetse muri Kigali (abahuye n’abanduye & Abaturarwanda batashye), 11 babonetse muri Rusizi, bane muri Nyamasheke (bapimwe mu midugudu iri mu kato), umwe muri Kirehe, umwe muri Kayonza, n’undi umwe muri Rubavu.
Abantu 49 mu bari barwaye bakize kuri uyu wa Kane, naho abamaze gukira bose hamwe baba 1,085, mu gihe abakirwaye ari 904.
Abamaze kwicwa n’icyo cyorezo mu Rwanda ni batanu.
Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
