Minisiteri y’Ubuzima yatangaje ko kuri uyu wa Gatanu tariki 24 Nyakanga 2020, mu Rwanda habonetse abarwayi bashya 19 banduye COVID-19.
Abo barwayi 19 babonetse mu bipimo 2,491, abamaze kuboneka mu Rwanda banduye icyo cyorezo bose hamwe baba 1,729.
Minisiteri y’Ubuzima yasobanuye ko abo barwayi bashya 19 12 babonetse muri Kigali, (abahuye n’abanduye mu bice byibasiwe n’imidugudu iri mu kato), batanu muri Rusizi, umwe muri Nyamasheke n’undi umwe muri Kirehe.
Abantu 11 mu bari barwaye bakize kuri uyu wa Kane, naho abamaze gukira bose hamwe baba 889, mu gihe abakirwaye ari 900.
Abamaze kwicwa n’icyo cyorezo mu Rwanda ni batanu.
Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
