Amakuru mashya aturuka muri Minisiteri y’Ubuzima aragaragaza ko kuri uyu wa Mbere tariki 01 Kamena 2020 habonetse abarwayi bashya barindwi ba COVID-19 bituma abamaze kuboneka mu Rwanda banduye icyo cyorezo bose hamwe baba 377.
Abo bantu barindwi babonetse mu bipimo 1,083 byafashwe uyu munsi, ibipimo byose hamwe bimaze gufatwa bikaba ari 69,151 ari na byo byabonetsemo abarwayi 377.
Itangazo rya Minisiteri y’Ubuzima riravuga ko abantu batandatu mu bari barwaye COVID-19 bakize kuri uyu wa Mbere, abamaze gukira bose hamwe baba 262.
Abakirwaye COVID-19 mu Rwanda ni 114, kugeza kuri uyu wa Mbere icyo cyorezo mu Rwanda kikaba kimaze guhitana umuntu umwe.
Facebook Comments Box
