Minisiteri y’Ubuzima yatangaje ko kuri uyu wa Gatatu tariki 22 Nyakanga 2020, mu Rwanda habonetse abarwayi bashya 34 banduye COVID-19.
Abo barwayi 34 babonetse mu bipimo 4,613, abamaze kuboneka mu Rwanda banduye icyo cyorezo bose hamwe baba 1,683.
Minisiteri y’Ubuzima yasobanuye ko abo barwayi bashya 34 barimo 21 babonetse muri Kigali, (abahuye n’abanduye & abapimiwe mu midugudu iri mu kato), batandatu babonetse muri Rusizi, bane babonetse muri Nyamasheke, babiri muri Kirehen’undi umwe muri Ngoma.
Abantu 19 mu bari barwaye bakize kuri uyu wa Kabiri, naho abamaze gukira bose hamwe baba 867, mu gihe abakirwaye ari 817.
Abamaze kwicwa n’icyo cyorezo mu Rwanda ni batanu.
Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
