Minisiteri y’Ubuzima yatangaje ko kuri iki Cyumweru tariki 26 Nyakanga 2020, mu Rwanda habonetse abarwayi bashya 69 banduye COVID-19.
Abo barwayi 69 babonetse mu bipimo 4,122, abamaze kuboneka mu Rwanda banduye icyo cyorezo bose hamwe baba 1,821.
Minisiteri y’Ubuzima yasobanuye ko abo barwayi bashya 69 barimo 34 babonetse muri Kigali, 16 muri Nyamasheke (bapimwe mu midugudu iri mu kato), 16 muri Rusizi (mu batahuwe ko bahuye n’abanduye), umwe muri Kirehe, umwe muri Ngoma n’undi umwe muri Rwamagana.
Abantu 11 mu bari barwaye bakize kuri iki Cyumweru, naho abamaze gukira bose hamwe baba 918, mu gihe abakirwaye ari 898.
Abamaze kwicwa n’icyo cyorezo mu Rwanda ni batanu.
Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
