Raporo ya Minisiteri y’Ubuzima iragaragaza ko kuri uyu wa Gatandatu tariki 20 Kamena 2020 mu Rwanda habonetse abarwayi bashya mirongo ine n’umwe (41) ba COVID-19.
Abo barwayi 41 babonetse mu bipimo 3,116 byafashwe kuri uyu wa Gatandatu,
abamaze kuboneka mu Rwanda banduye icyo cyorezo bose hamwe ni 702.
Minisiteri y’Ubuzima iravuga ko abo barwayi bashya bagaragaye muri Rusizi na Rusumo.
Abantu batandatu mu bari barwaye bakize, abamaze gukira bose hamwe baba 357, naho abakirwaye ni 343.
Ni mu gihe abamaze kwicwa n’icyo cyorezo mu Rwanda ari babiri.
Minisiteri y’Ubuzima isaba abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
Facebook Comments Box
