Amakuru mashya aturuka muri Minisiteri y’Ubuzima (MINISANTE) aragaragaza ko kuri uyu wa Gatatu tariki 27 Gicurasi 2020 habonetse abarwayi bashya barindwi ba COVID-19 bituma abamaze kuboneka mu Rwanda banduye icyo cyorezo bose hamwe baba 346.
Abo bantu barindwi babonetse mu bipimo 2,059 byafashwe uyu munsi, ibipimo byose hamwe bimaze gufatwa bikaba ari 62,502 ari na byo byabonetsemo abarwayi 346.
Itangazo rya Minisiteri y’Ubuzima riravuga ko umuntu umwe mu bari barwaye COVID-19 yakize kuri uyu wa Gatatu, abamaze gukira bose hamwe bakaba ari 245.
Abakirwaye COVID-19 mu Rwanda ni 101, kugeza kuri uyu wa Gatatu icyo cyorezo kikaba nta muntu kirahitana mu Rwanda.
Facebook Comments Box
