Cyusa Ibrahim wamamaye mu njyana gakondo agiye gukora igitaramo gikomeye yise Migabo Live Concert yateguye mu rwego rwo gushimira perezida Kagame Paul wakoze ibikorwa by’ubutwari mu myaka 30 ishize u Rwanda rwigobotoye ingoma yaba gashakabuhake , ndetse akaba yaramurihiye amashuri yize yose.
Hari kuri uyu wa gatatu tariki ya 5 Kamena 2024 ubwo muri Onomo Hotel haberaga ikiganiro n’abanyamakuru cyahuzaga Cyusa Ibrahim wahoze aririmbira Cecile Kayirebwa ndetse n’abandi bari gufatanya nawe kwesa umuhigo wo gususurutsa abantu bakabira ibyuya.
Uyu muhanzi yashimiye abamufashije barimo abaterankunga , abanyamakuru detse na ba Producer bakoze ku ndirimbo ze zose barimo Producer Pastor P ,Bob Pro ndetse n’abandi , gusa byumwihariko ashima Alex Muyoboke wamuhaye igitekerezo cyo gukanguka agategura igitaramo.
Cyusa yagize Ati “Ndashimira cyane Muyoboke Alexis we wafashe umwanya w wa akaza kumbwira ijambo bwa mbere asaba ko twakora igitaramo ibintu byanteye ingufu zo gukanguka nkamenya ko igihe kigeze ngo nkore igitaramo cyanjye”
Abazaba bari muri iki gitaramo bazataramirwa n’abarimo Cyusa Ibrahim n’Inganzo Ngari yaturutsemo , hazaba hari Mariya Yohana , Chris Neat , ndetse na Ruti Joel bagiye gutaramana bitari ubwa mbere.
Dore ko Ruti Joel uherutse gukora igitaramo gakondo nk’iki kikitabirwa kurwego rwo hejuru akaba yijeje Cyusa ko azakoresha ubutore bwe bagataramira Migabo wakuye abanyarwanda mu bihe bibi , kuburyo buri wese aba yishimiye kuba mu Rwanda rutemba amata n’ubuki.
Migabo live Concert n’igitaramo kizaba kuri uyu wa gatandatu tariki 08 Kamena 2024, kikazabera muri Camp Kigali,kwinjira bikaba bisaba kugura tike ziri mu byiciro birimo iya 8000frw ahasanzwe , 15000frw VIP ndetse na 30000frw muri VVIP kubazazigura mbere y’umunsi w’igitaramo.
Abazagura amatike kumunsi w’igitaramo ahasanzwe azaba ari 10000frw , 20000frw ndetse na 35000frw muri VVIP aho kuri ubu wayigura unyuze ku rubuga rwa www.ibitaramo.com .
Cyusa Ibrahim na Muyoboke Alex wamufashije gutegura iki gitaramo.
Ruti Joel yijeje abantu ko bazakora iwabo w’inganzo bagashimisha abakunzi ba gakondo.
Chris Neat umuhanzikazi akaba n’umwe mu bakobwa b’aba producer
