Haraye habaye umukino ukunzwe cyane ku isi wahimbwe EL CLASSICO wahuje ikipe ya FC Barcelona na Real Madrid kuri finale y’igikombe kiruta ibindi muri Espagne.
Mu mukino wahuje aya makipe yombi afite amateka ndetse akomeye cyane muri ruhago ku isi, ikipe ya Real Madrid yaje kwihaniza ikipe ya Fc Barcelona ku buryo bukomeye cyane aho mu minota 39 gusa ikipe ya Barcelona yari yamajije kwinjizwa ibitego 3.
Iki gikombe bakiniraga ni igikombe gikomeye cyane muri Espagne nyuma y igikombe cya shampiyona yabo gusa Fc Barcelona bikomeje kuba bibi kuko iri kwerekana urwego ruri hasi cyane ya Real Madrid mukeba wayo w’igihe cyose kandi kuri ubu bwo irimo kurushwa cyane kugeza aho itsindwa ibitego 4-1.
N’ibitego byatsinzwe mu minota mike aho harimo ibitego 3 byo bita “hatrick” ya Vinicus Jr umukinnyi w’umunya-brasil uri kuzamuka neza cyane ndetse na Rodrygo mugenzi atsinda ikindi kimwe aho Fc Barcelona yatsinze kimwe gusa cya Robert Lewandowski ndetse sibyo gusa kuko ku munota wa 71′ umukinnyi wa Barcelona yaje kubona ikarita itukura.
Ibi byaje gutuma ikipe ya Real Madrid itwara igikombe igishyira mu bindi dore ko isanzwe ifite ibikombe byinshi cyane ikaba igitwaye ari igikombe cya 13 cya Super cup ibitse.
