Perezida wa Repubulika Iharanira Demokarasi ya Congo, Félix Tshisekedi Tshilombo, yarahiriye kuyobora iki gihugu muri manda ya kabiri akesha amatora yabaye tariki ya 20 n’iya 21 Ukuboza 2023.
Ni umuhango wayobowe na Perezida w’Urukiko rushinzwe kurinda Itegeko Nshinga rya RDC, Dieudonné Kamuleta Badibanga, muri Stade des Martyrs iherereye mu Mujyi wa Kinshasa kuri uyu wa 20 Mutarama 2024.
Uru rukiko rwabanje kwibutsa ko Tshisekedi yatsinze amatora ku majwi 73,34%, nk’uko byemejwe na Komisiyo yigenga ishinzwe amatora muri iki gihugu, CENI. Rwanamukeje ku bw’iyi ntsinzi.
Yarahiriye kuba umugararu w’Abanye-Congo, guharanira inyungu z’igihugu, guharanira ubumwe bw’abatuye muri iki gihugu no kurinda umutekano wa RDC nk’Umugaba w’Ikirenga w’ingabo.
Indahiro yavuze yagiraga iti “Njyewe Félix Tshisekedi Tshilombo watorewe kuyobora Repubulika Iharanira Demokarasi ya Congo, ndahiriye imbere y’Imana n’igihugu kurinda Itegeko Nshinga n’andi mategeko ya Repubulika, kurinda ubwigenge n’ubusugire bw’igihugu, gusigasira ubumwe bw’igihugu, kuyoborwa n’inyungu rusange, gushyira imbaraga zanjye zose mu gusigasira amahoro no kuba umugaragu w’abaturage, ikaba ari yo nshingano yanjye ikomeye.”
BAKUNZI B’IKINYAMAKURU BABITIMES.COM TURAGUSABA KUDUSHYIGIKIRA UGAKANDA HANO MAZE UKORE FOLLOW NA LIKE KURI FACEBOOK PAGE YA BABI TIMES KUGIRANGO AMAKURU AJYE AKUGERAHO MBERE AKIRI MASHYA
BAKUNZI B’IKINYAMAKURU BABITIMES.COM TURAGUSABA KUDUSHYIGIKIRA UGAKANDA HANO MAZE UKORE FOLLOW NA LIKE KURI INSTAGRAM YA BABI TIMES KUGIRANGO AMAKURU AJYE AKUGERAHO MBERE AKIRI MASHYA
