Ku itapi y’umutuku abantu bahanyuranye ishema n’isheja baboneraho amahirwe yo kwifotoranya n’ibyamamare binyuranye kimwe n’abakobwa n’abasore ba Kigali Protocal.Ni ibirori bikomeye byabaye mu ijoro ryo kuwa Kane tariki 29 Kamena 2023, muri Camp Kigali, aho Kigali Protocal yizihizaga isabukuru y’imyaka 5 imaze ibonye izuba.
Byaranzwe n’ibihe bidasanzwe birimo gutambuka ku itapi itukura, gukata umutsima (cake) aho baturikije ibishashi byinshi by’umuriro bikizihira benshi, ndetse ababyinnyi, abahanzi n’aba Dj, nabo baryohereza bikomeye imbaga yitabiriye.
Mu gice kibanza cy’ibi birori bya Kigali Protocal cyayobowe na Ally Soudy afatanije na Nikita Imani, abantu batandukanye bahawe umwanya batambuka ku itapi y’umutuku (Red Carpet).
Abagize iyi kompanyi yaba abakobwa n’abahungu nabo bahawe umwanya wo kwiyerekana mu kanyamuneza kenshi n’imyambarire ubona ko bari bamaze igihe babyitegura.
Bamwe mu bantu banyuze ku itapi y’umutuku bafite izina rizwi barimo Dany Nanone, Miss Popularity 2019 Josiane Uwimana, Babou, Zouby Comedy, Patycope, K John, Kwizera Bertrand, Chris wo muri At Umulinga, n’abandi.
Ibi birori ni urugero rwiza rwo kwaguka kw’imyidagaduro nyarwanda by’umwihariko n’iterambere ry’urubyiruko.
Dj Briane yari yikundiwe cyane n’uyu muhungu wigize umukobwa mu mico n’imyitwarire maze barabyinana bahuza urugwira karahava.
Abakobwa ba Kigali Protocol n’umuyobozi wabo kw’itapi itukura
Dj Sonia na Ally Soudy hagati bari mubitabiriye iki gitaramo
Umuhungu wihinduye umukobwa yahakoreye udushya twinshi
AMAFOTO: Ndayishimiye Nathanael
