Mu ijoro ryo kuwa 31 Kanama 2024 nibwo Intore imaze imyaka igera kuri mirongo itatu mu muziki Massamba yakoraga igitaramo yise 3040 y’ubutore mu nyubako ihenze mu Rwanda mu myidagaduro ariyo BK Arena.
Iki gitaramo kitabiriwe n’abantu batari benshi ariko nabwo batari bake cyatangiye mu masaha akuze dore ko cyagombaga gutangira saa kumi n’ebyiri ariko nubwo cyatangiye gitinzeho ariko sibyabujije abantu kwizihirwa dore ko cyanasoje abantu batabishaka kuko bagaragazaga kunyoterwa cyane.
3040 y’ubutore yari iyobowe n’umunyamakuru umenyerewe hano mu Rwanda ariwe Luckman Nzeyimana ukorera igitangazamakuru cy’igihugu RBA, yatangiye ashimira abaterankunga ndetse akomeza yakira abanyamideli baje gukurikirwa n’umuhanzikazi Ariel Wayz nawe utatinze cyane ariko waririmbye neza ndetse yerekana n’ubuhanga afite bw’ijwi rye.
Hakomeje hakirwa umusore ukunzwe cyane kubw’ukuntu avanga injyana ya gakondo ndetse n’izubu zigezweho Ruti Joel ashimisha abantu koko bidatinze hakirwa nyir’igitaramo ariwe Intore Massamba ubundi atanga umunezero usendereye abantu barishima ndetse no gusoza bibangamira benshi dore ko yacishagamo akagenda afashwa n’urubyiruko rw’abahanzi ba gakondo harimo Teta Dianah, Jules Sentore, Ruti Joel ndetse wagaragaje ubuhanga budasanzwe dore ko atigize ava ku rubyiniro kuko yafashaga Massamba guhera atangiye kuririmba kugeza ashoje.
Massamba yaje gutungurana azana umukobwa we ku rubyiniro ararimba nawe ndetse nawe aratungurwa ahabwa impano y’ifoto asuhuzanya na Nyakubahwa Paul Kagame ndetse asoza aririmba idirimbo yakoranye na Dj Marnaud yitwa Ntimugire ubwoba yakozwe mu gihe cyo kwamamaza umukuru w’igihugu cy’u Rwanda.
