Turahirwa Moses wamamaye mu guhanga imideri abinyujije mu nzu ye izwi kw’izina rya Moshions , yavuzweho cyane aba umwe mu bari bigaruriye imbuga nkoranyambaga mu minsi ishize bitewe n’amashusho n’amafoto atandukanye yagiye ajya hanze , aho hamwe yagaragazaga ko yemerewe kunywa urumogi , andi mashusho amugaragaraza asambana n’abagabo bagenzi nayo yari amaze iminsi agiye hanze, maze bwa nyuma akongera kugaragara asa nuwahinduye ibyangombwa yahawe na Leta y’u Rwanda yihinduye igitsina gore kuri pasiporo.
Yaje gutabwa muri yombi ashinjwa gukoresha ibiyobyabwenge ndetse no gukoresha impapuro mpimbano nubwo byo yabitsinze , gusa kuri ubu yitabye Urukiko Rwisumbuye rwa Nyarugenge, kugira ngo aburanishwe ku bujurire yatanze ku ifungwa n’ifungurwa ry’agateganyo.
Ku wa 15 Gicurasi 2023 Urukiko rw’Ibanze rwa Nyarugenge rwari rwemeje ko afungwa iminsi 30 y’agateganyo kugira ngo hakomeze iperereza ku byaha akurikiranyweho birimo gukoresha ikiyobyabwenge cy’urumogi.
Ku wa 26 Gicurasi 2023, Turahirwa yandikiye Urukiko arusaba ko yahabwa itariki ya bugufi kugira ngo aburane ku ifungwa n’ifungurwa ry’agateganyo kugira ngo abashe gukomeza amasomo ye.
Itariki yari yahawe mbere ni iyo ku wa ku wa 12 Kamena 2023 bivuze ko ariyo urukiko rwagumishijeho.
Turahirwa Moses yitabye urukiko ngo aburanishwe ku ifungwa n’ifungurwa by’agateganyo , aho yasabye kuburanishwa vuba ngo abashe gukomeza amasomo ye.
Uyu munyamideri Turahirwa Moses wavugaga ko yemerewe kunywa urumogi bamupima bakanarumusangamo , yaburanye avugako ngo nubwo yarunyweye ntarwo yanywereye kubutaka bw’u Rwanda.
Kuri iyi nshuro Moses yitabye urukiko yambaye imyambaro yagenewe abagororwa bo muri gereza , ndetse yari yamaze no kogoshwa uruhara nk’abandi bagororwa , ibi bikaba bitandukanye n’uko mbere yitabaga urukiko afite imisatsi ye yo ku mutwe.
