Itangazo rya Minisiteri y’Ubuzima mu Rwanda (MINISANTE) ryo ku wa Gatandatu tariki 18 Mata 2020 rigaragaza uko icyorezo cya COVID-19 gihagaze mu Rwanda, riragaragaza ko umubare w’abanduye icyo cyorezo umaze kugera ku bantu 144. Muri bo harimo umwe mushya wabonetse mu bipimo 712 byafashwe mu masaha 24.
Iryo tangazo rivuga ko abakize bamaze kuba 69 (harimo bane bashya), abakirwaye bakaba ari 75.
Kugeza ubu mu Rwanda ntawe urapfa azize COVID-19 nk’uko iryo tangazo ribigaragaza.
Abarwaye bose baravurirwa ahantu habugenewe kandi barimo koroherwa.
Minisiteri y’Ubuzima isaba abantu gukomeza kubahiriza amabwiriza ya Leta hitabwaho cyane cyane gukaraba intoki kenshi kandi bakaguma mu rugo.
Facebook Comments Box
