Minisiteri y’Ubuzima (MINISANTE) iratangaza ko abandi bantu umunani bagaragaweho icyorezo cya COVID-19 mu bipimo 1,025 byafashwe ku cyumweru tariki 26 Mata 2020.
Byatumye umubare w’abamaze kugaragaraho icyo cyorezo mu Rwanda ugera ku bantu 1191, muri bo 92 bakaba bamaze gukira harimo bane bakize uyu munsi.
Itangazo rya Minisiteri y’Ubuzima riravuga ko abarimo kuvurwa ari 99, iki cyorezo kugeza kuri iki cyumweru kikaba ntawe kirahitana.
MINISANTE iravuga ko hari ubwiyongere bw’imibare y’abanduye COVID-19 mu batwara amakamyo yambukiranya imipaka n’abo bakorana.
Abarwayi bose barimo kuvurirwa ahantu habugenewe kandi ngo barimo baroroherwa.
Facebook Comments Box
