Minisiteri y’Ubuzima iratangaza ko kuri uyu wa Kabiri tariki 25 Kanama 2020, mu Rwanda habonetse abantu 231 banduye icyorezo cya COVID-19, mu gihe abandi 21 bakize.
Uyu ni wo mubare munini w’abanduye iki cyorezo ugaragaye ku munsi umwe, kuva cyagera mu Rwanda tariki ya 14 Werurwe 2020.
Abo barwayi bashya 231 barimo 196 babonetse i Kigali (bapimwe mu masoko ya Kigali), 30 babonetse i Rusizi (bapimwe mu bibasiwe kurusha abandi), batatu babonetse i Rubavu, i Huye habonetse umwe, undi umwe aboneka i Gatsibo.
Muri rusange kugeza kuri uyu wa Kabiri, abamaze kwandura icyo cyorezo ni 3,537 muri bo abamaze gukira ni 1,806 naho abakivurwa ni 1,716.
Undi muntu umwe yapfuye azize COVID-19, abamaze kwicwa n’icyo cyorezo bose hamwe mu Rwanda baba cumi na batanu (15).
Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
