Minisiteri y’Ubuzima (MINISANTE) iratangaza ko kuri uyu wa Kane tariki 14 Gicurasi 2020 nta murwayi mushya wa COVID-19 wabonetse mu Rwanda, bituma abamaze kuboneka mu Rwanda banduye icyo cyorezo bose hamwe bakomeza kuba 287.
Ibipimo byafashwe uyu munsi ni 895 ntihabonekamo umurwayi, ibipimo byose hamwe bimaze gufatwa bikaba ari 45,140.
Itangazo rya Minisiteri y’Ubuzima riravuga ko abantu bane mu bari barwaye COVID-19 bakize kuri uyu wa Kane, abamaze gukira bose hamwe bakaba ari 168.
Abakirwaye COVID-19 mu Rwanda ni 119, kugeza kuri uyu wa Kane icyo cyorezo kikaba nta muntu kirahitana mu Rwanda.
Facebook Comments Box
