Buri muntu ukunze gusanga afite umutimanama we ndetse n’amahame ye bwite agenderaho ahanini harimo gutinya gukora icyaha cyangwa se n’ibindi , gusa akenshi iyo umukobwa yemereye umusore ko baryamana aramwihebera akumva ntanundi babana. Uretse gutinya gukora icyaha , hari nibindi byibanze abenshi bakunze gushyira imbere aribyo gutinya indwara zandurira mu mibonano mpuzabitsina, gutinya gusama inda zitateganyijwe , gusa nanone hari igihe kwemerera umuntu ko mubikora bivamo ko mwazabana akaramata bitewe nuko mushobora kubikora ugasigara waramwihebeye.
Abakobwa benshi rero iyo umusore abasabye bakunda kwibaza bati : “Nimwima aranyanga kuko yaranabimbwiye , ko kumuha se nabyo numva bitandimo neza . Nkore Iki?”
Ibi rero ni bimwe mu bintu 5 mukobwa ukwiye gutekereza mbere y’uko wemera kuryamana n’umuhungu uri kugusaba ko mukora imibonano mpuzabitsina
1. Urukundo rwa mbere, premier amour, ari narwo rukunda guteza ibibazo, usanga rudakunda guhira abantu benshi. Nubona rero uwo wakunze mbere y’abandi atangiye kukugora, ntuzumve ko igikuba cyacitse, ngo ukora n’ibyo utateganyaga gukora ngo uri gukiza urukundo rwanyu.
2. Zirikana ko urukundo nyakuri rwihanganira byinshi. Umuhungu ugukunda by’ukuri, azemera kandi yubahe icyemezo cyawe cyo kudakora imibonano mpuzabitsina mbere y’uko murushinga.
3. Umuhungu ugukunda by’ukuri ntagushyiraho iterabwoba ngo nutamuha ibyanyu birarangirira aho. Ubigenza atya akenshi ni wa wundi wamuha utamuha, ntabwo aba agukunda, aba azakwanga igihe runaka. Ikindi ni uko numuhungu ugukangisha ko mushwana niba utamuhaye, n’iyo murushinze ntimubana neza. Mubana by’umuhango, cyangwa se amaherezo mukazanatandukana.
4. Akenshi umuhungu ugukoresheje imibonano umutimanama wawe utabishaka, usanga ahita agutera n’inda. Ikibabaje ni uko akenshi bene uyu muhungu iyo aguteye inda ahita akwanga.
5. Zirikana ko iyo umuntu yashatse kugukatira nta kindi warenzaho. Kandi umenye neza ko gutandukana n’umuhungu wakundaga, byoroha iyo mutigeze mukorana imibonano mpuzabitsina, kurusha kuba mwarigeze kuyikorana. Iyo mwayikoranye birakomeretsa cyane kurushaho, noneho yaba yaraguteye inda cyangwa yaragusigiye ibirwara akaba akwishe kabiri.
