Pasiteri Elijah Ayer ni umugabo wo muri Togo, ukunze kugarukwaho na benshi ku mbuga nkoranyambaga batangarira ko akora ivugabutumwa yambaye inkweto ndende zimenyerewe ku b’igitsina gore.
Ikinyamakuru Mpasho cyo muri Kenya, muri Gicurasi 2022 cyatangaje ko uyu mupasiteri mu buhamya bwe atanga, avuga ko hari uburwayi yari asanganywe Imana ikamutegeka kujya yambara inkweto z’abagore akabona kubukira.
Bigitangira abakoresha internet babifashe nko gusetsa abantu, nyuma bituma hari abashaka kumenya igitera Pasiteri Elijah Ayer kwambara inkweto z’abagore, aboneraho gutangaza ko ari ibyo yasabwe n’Imana nk’umuti w’uburwayi bwe.
Ibitangazamakuru byo muri Togo bivuga ko uyu mugabo yari asanzwe yambara inkweto z’ab’igitsina gabo akagira uburibwe mu mubiri ariko akavuga ko kuva yazireka yagiye akira ubwo burwayi.
Yambara imyenda y’abagabo isanzwe maze akarenzaho inkweto za kigore
Iyi myambarire ye ayijyana no kubwiriza
