Daniel Tembu umunyarwenya ukomoka muri Nigeria, yatakaje ubushobozi bwo kubona (yarahuye) mu gihe cy’iminota 45 yose, nyuma yo kugerageza guca agahigo ko kurira amasaha 100 adahagaritse.
Uyu Daniel Tembu, aherutse kugerageza guca agahigo k’Isi ko kurira amasaha 100 adahagaritse na rimwe kugira ngo azahabwe igihombo gikomeye ku rwego rw’Isi, kizwi nka Gunness World Records.
Uyu musore yatangiye irushanwa ryo kurira ‘cry-marathon’ ku itariki 9 Nyakanga 2023, Ariko biza kuba ngombwa ko ahagarika iryo rushanwa nyuma y’amasaha atandatu gusa aritangiye, kubera ko yagize ibibazo atari yiteguye guhura nabyo.
Tembu avuga ko yahuye n’ibibazo kubera kwihata gukomeza kurira mu masaha menshi adahagaritse, ngo yisanze yarwaye umutwe umurya cyane, ndetse n’amaso arabyimba n’isura irabyimba, biza kumuviramo guhuma amaso mu minota 45 yose, nk’uko byatangajwe n’ikinyanakuru cya (odditycentral).
