Polisi y’u Rwanda yatangaje ko yafashe uwitwa Ngendonziza Gilbert wagaragaye ku ifoto yaziritse umwana kuri moto.
Ifoto igaragaza umwana uhambiriye amaguru n’amaboko kuri moto, yagaragaye ku mbuga nkoranyambaga mu ijoro ryo ku Cyumweru tariki 20 Nzeri 2020.
Nyuma y’uko uwitwa Alexandre Mucyo, ukoresha izina rya @MorganMucyo kuri twitter, agaragaje iyo foto, Polisi yahise imusubiza igira iti “Mwiriwe Mucyo, Mwakoze ku makuru mwatanze, Ngendonziza Gilbert wagaragaye ku ifoto yaziritse umwana kuri moto yafashwe. Afungiye kuri Sitasiyo ya Polisi ya Rutare akurikiranyweho ihohotera rikorerwa umwana, mu gihe umwana yajyanwe kwa muganga”.
Mwiriwe Mucyo,
Mwakoze ku makuru mwatanze, Ngendonziza Gilbert wagaragaye ku ifoto yaziritse umwana kuri moto yafashwe. Afungiye kuri Sitasiyo ya Polisi ya Rutare akurikiranweho ihohotera rikorerwa umwana, mu gihe umwana yajyanwe kwa muganga.
Murakoze
— Rwanda National Police (@Rwandapolice) September 20, 2020
