Umuvugizi wa Polisi y’u Rwanda, CP John Bosco Kabera, aherutse gutanga ubutumwa bushishikariza abantu kuguma mu rugo muri iki gihe mu rwego rwo kwirinda ikwirakwizwa ry’icyorezo cya COVID-19.
Muri iryo jambo rye, yabwiraga abantu ko bagomba kuguma mu rugo kuva ku wa mbere kugeza ku cyumweru, hakurikijwe amabwiriza ya Guverinoma y’u Rwanda.
Mwiriwe Ali,
Ukuri ni uku: Hari ingamba zashyizweho zo gukurikirana abantu bakekwaho kuba baranduye iyi ndwara, kandi kugeza ubu zirakora neza. Gahunda rero ni #GumaMuRugo mu rwego rwo kwirinda kwandura no gukwirakwiza iyi ndwara. pic.twitter.com/wAblA5TaJz
— Rwanda National Police (@Rwandapolice) April 3, 2020
Iryo jambo ryakomeje guhererekanywa n’abatari bake, maze umwe mu banyamuziki witwa DanyBeatz we ahitamo kurikora mu buryo bw’indirimbo iri mu njyana ya Rap, arongera arishyira ku mbuga nkoranyambaga harimo na Twitter, bituma bwa butumwa burushaho kwamamara.
Hi Fam, I want to introduce #gumamurugo rap challenge.
It’s easy, take a 49 seconds video of you freestyling on this beat https://t.co/uvOfSyT2mk
I nominate @Mazimpakaprime and @kagced for now
P.S you don’t have to be a rapper to participate
Let’s have fun as we stay at home. pic.twitter.com/2x5ZXrMet7— Dany Beats (@danybeatz) April 21, 2020
Abantu batandukanye bakomeje gusubiramo ubwo butumwa mu buryo bw’indirimbo mu kugaragaza impano zabo mu kuririmba injyana ya RAP, harimo n’abahanzi nka K8 Kavuyo wari umaze igihe kinini atagaragara mu muziki.
#GUMAMURUGO Challenge @danybeatz ✌🏿 pic.twitter.com/yAKOFZ3hOz
— K8 Kavuyo (@K8Kavuyo) April 24, 2020
Umuvugizi wa Polisi, CP John Bosco Kabera, na we yavuze ko ubwo butumwa bwasubiwemo mu buryo bw’indirimbo yabubonye, kandi ko ntacyo bitwaye.
Yagize ati “Biriya ni byiza icyo dushaka ni uko abantu baguma mu rugo.”
Polisi y’u Rwanda ishishikariza abantu gukora ibintu bitandukanye mu rwego rwo kwirinda kurambirwa mu rugo. Muri byo harimo kuba abantu bakorera akazi kabo mu rugo ariko bagahinduranya aho kwicara, kubyina, kuganira, kubwirana inkuru harimo n’imigani, ibisakuzo, kureba ibiganiro kuri television na filime, kurya indyo yuzuye, gusoma ibitabo, kuryama ukaruhuka, no gukora imyitozo ngororamubiri.
