Amakuru y’urupfu rwa Prof. Jean Bosco Gahutu yasakaye ku mugoroba wo kuri uyu wa mbere tariki 07 Nzeri 2020.
- Prof. Jean Bosco Gahutu
Minisitiri w’Uburezi, Dr. Valentine Uwamariya, abinyujije kuri Twitter, yagize ati “Mbabajwe cyane n’urupfu rwa Prof. Jean Bosco Gahutu. Yari umushakashatsi witanga kandi ukora cyane muri Kaminuza y’u Rwanda. Aruhukire mu mahoro.”
Kaminuza y’u Rwanda na yo ibinyujije kuri Twitter, yemeje aya makuru, ivuga ko yitabye Imana kuri uyu wa mbere kandi ko urupfu rwa Gahutu ari inkuru ibabaje n’igihombo gikomeye.
Kaminuza y’u Rwanda ivuga ko izahora izirikana uburyo Prof. Jean Bosco Gahutu yakundaga akazi kandi akarangwa n’ubwitange, by’umwihariko mu byerekeranye no guteza imbere ubushakashatsi.
Kaminuza y’u Rwanda yihanganishije umuryango we muri ibi bihe by’akababaro.
Biravugwa ko Prof. Jean Bosco Gahutu yitabye Imana ari mu bitaro byitiriwe Umwami Faisal, akaba ari na ho yari amaze igihe kigera ku kwezi arwariye.
We are saddened to announce the loss of our beloved Prof J.B Gahutu who passed away today. We will always be grateful for his compassion, unwavering commitment & his pivotal role in promoting #research. Deepest sympathies to his family during this time of grief. #RIP Prof! pic.twitter.com/XO7bWIqe03
— University of Rwanda (@Uni_Rwanda) September 7, 2020
I am deeply saddened by the loss of Prof. Jean Bosco Gahutu; a very dedicated and hard working researcher @UCmhs @Uni_Rwanda. May He Rest in Eternal Peace! pic.twitter.com/Kjlorp9gju
— Dr. Valentine Uwamariya (@Dr_Uwamariya) September 7, 2020
