Shampiyona y’icyicaro cya mbere mu mupira wa maguru irakomeza ku munsi wa 16 aho uyu munsi imikino yo kwishyura ikomeza ifungurwa n’umukino w’ikipe ya Rayon Sports na Gasogi United.
N’umukino ukomeye kubw’abafana na abayobozi baya makipe bamaze n’iminsi baterana amagambo gusa ubona bose ko banyotewe no gutsindana gusa bidakuraho ko Rayon Sports ari mukuru wa Gasogi United bitewe n’igihe zashingiwe.
Nubwo Rayon Sport ariyo yaje mbere mu mupira w’amaguru ikaba ifite n’abafana benshi mu gihugu ariko ntibikuraho ko Gasogi United iri mu makipe ayigora kuyitsinda gusa n’umwe mu mikino uba utegerejwe cyane n’abantu benshi kuko uravugwa cyane bitewe n’abafana ndetse n’abayobozi.
Uyu mukino uraba uyu munsi aho Rayon Sports iri bube yakiriye Gasogi kuri Sitade ya Kigali Pele i Nyamirambo i saa kumi n’ebyiri z’umugoroba.
