Ikipe ya Rayon Sports yatangiye kurekura bamwe mu bakinnyi ibona ko itazakeneera mu mwaka utaha w’imikino, ndetse n’abandi bari bisabiye kurekurwa.
Nyuma yo gushyiraho umutoza mushya Guy Bukasa wahoze atoza ikipe ya Gasogi United yaje kwicarana n’abayobozi b’iyi kipe baganira uko bategura umwaka w’imikino, harimo kurebera hamwe abakinnyi bazakoresha mu mwaka w’imikino wa 2020/2021.
- Tariki 06/06/2019 ni bwo Iragire Saidi yasinyiye Rayon Sports amasezerano y’imyaka ibiri
Umwe mu bakinnyi ikipe yamaze kwemera ko yarekuye harimo myugariro Iragire Saidi bari baguze umwaka ushize avuye mu ikipe ya Mukura Victory Sports, uyu amakuru atugeraho akaba ari uko iyi kipe yaje guhita imwisubiza imutanzeho Miliyoni 5 Frws.
Abandi bakinnyi bivugwa ko Rayon Sports yarekuye, ni abanyamahanga babiri batigeze batanga umusaruro iyi kipe yabifuzagaho, ari bo Olokwei Commodore ukina mu kibiga hagati, ndetse na rutahizamu w’umunya Cote d’Ivoire Drissa Dagnogo.
