Ubuyobozi bw’Ishami ry’Umuryango w’Abibumbye ryita ku Buzima (OMS) muri Repubulika Iharanira Demokarasi ya Congo (RDC) bwatangaje ko habonetse umurwayi wa Ebola.
- Icyorezo cya Ebola cyongeye kuvugwa muri RDC mu gihe hari na Coronavirus (Ifoto: Internet)
Ni inkuru y’incamugongo muri RDC no mu Karere kubera ubukana bw’iki cyorezo. Cyari cyaracitse.
Itangazo ryemeje ubwandu bushya bwa Ebola mu mujyi wa Beni uherereye mu Burasirazuba bw’Amajyaruguru y’Intara ya Kivu y Amajyaruguru, nyuma y’igihe gito hatangajwe ko Ebola yarangiye.
Itsinda ririmo gukurikira iki cyorezo, rivuga ko Ebola yabonetse ku mugabo w’imyaka 26 y’amavuko.
Kuva tariki ya 17 Gashyantare 2020 nta wundi murwayi wa Ebola wari warongeye kuboneka, bituma byemezwa ko Ebola yacitse muri icyo gihugu.
Indwara ya Ebola yandurira mu matembabuzi kandi umurwayi akagira ibimenyetso byo kubabara umutwe, gucika intege, kuva amaraso ahantu hose hari umwenge.
