Cristiano Ronaldo utahizamu wa Al Nassr ndetse n’ikipe y’igihugu ya Portugal, niwe uyoboboye urutonde rw’abakinnyi b’umupira w’amaguru bafite abagore beza kurusha abandi ku Isi. Abagore n’abakinnyi cyangwa se abakunzi babo ni kimwe mu bikurura abantu kandi bikavugwaho cyane.
Bamwe muri aba bagore babaye ibyamamare kubera kujya gushyigikira abagabo ku bibuga cyangwa se bitewe n’uko basa, ugasanga bamenyekaniye ku mbuga nkoranyambaga zabo kubera amafoto y’ibimero bashyiraho biba byakunzwe n’aba babona.
Muri iyi nkuru, InyaRwanda yabakusanyirije urutonde rw’abakinnyi bafite abagore b’uburanga kurusha abandi kugeza ubu:
5.Illkay Gundogan
Sara Arfaoui Umugore wa Illkay Gundogan
Uyu mukinnyi uheruka ukina mu kibuga hagati ,uheruka kugurwa na FC Barcelona niwe uza kuri uyu mwanya mu bakinnyi bafite abagore beza. Gundogan afite umugore witwa Sara Arfaoui.
Batangiye gukundana muri 2021 mu kwezi kwa 07,batangaje urukundo rwabo babinyujije ku mbuga nkoranyambaga zabo, Gundogan afata amashusho barikumwe maze ayasangiza abamukurikirana. Umwana wabo wa mbere bamwibarutse mu kwezi Kwa 3 muri uyu mwaka. Kugeza ubu Sara Arfaoui afite abamukurikirana kuri Instagram bagera ku bihumbi 600.
4.David de Gea
Edurne García Almagro Umugore wa De Gea
Umunyezamu ukomoka muri Espagne ndetse akaba aherutse no gutandukana na Manchester United, afite umugore witwa Edurne García Almagro w’imyaka 37. Uyu mugore nawe akomoka muri Espagne, ubusanzwe ni umukinnyi wa filime, umuririmbyi ndetse akaba n’umunyamakurukazi.
Edurne García Almagro na David de Gea batangiye gukundana muri 201,baje kwibaruka imfura yabo nyuma y’umwaka bise Yanay muri 202. Uyu mugore w’ikimero afite abamukurikirana kuri Instagram barenga Miliyoni 2.
3.Raphinha
Natalia Rodrigues Umugore wa Raphinha
Raphinha ukina mu ikipe ya FC Barcelona nawe aza mu bakinnyi bafite abagore beza. Afite umugore witwa Natalia Rodrigues w’imyaka 23 gusa akaba azwi ku izina rya Taia. Uyu mukinnyi n’uyu mugore we batangiye gukundana mu mpeshyi ya 2021 gusa aba bombi bari baziranye kuva bakiri bato iwabo muri Brazil guhera muri 2013 nyuma bagenda baba inshuti gake gake.
Mu Kwezi kwa 12 muri 2021 nibwo Raphinha yasabye Natalia Rodrigues ko yamubera umugore maze arabyemera,mu Kwezi kwa 02 muri 2022 bahise bakora ubukwe. Umwana wabo wa mbere bamwibarutse muri uyu mwaka mu kwezi Kwa 05.Natalia Rodrigues kuri ubu akurikiranwa n’abagera ku bihumbi 300 kuri Instagram ye.
2.Lionel Messi
Antonella Rocuzzo afite abamukurikirana bagera kuri miliyoni 36.
Uyu mukinnyi ukomoka muri Argentine uheruka gusinya mu ikipe ya Inter Miami yo muri Leta zunze ubumwe za Amerika niwe uza ku mwanya wa 2 mu bakinnyi bafite abagore beza. Afite umugore witwa Antonella Rocuzzo nawe ukomoka muri Argentine.
Aba bombi barakuranye bakundana maze baza gufata umwanzuro wo gukora ubukwe muri 2017 bamaranye imyaka 20. Antonella Rocuzzo na Lionel Messi bamaze kubyarana abana 3,Thiago bibarutse muri 2012,Mateo bibarutse muri 2015 ndetse na Ciro, babyaye muri 2018.
1.Cristiano Ronaldo
Georgina Rodriguez ukomoka muri Espagne akaba ari n’umunyamiderikazi afite abamukurikirana kuri Instagram barenga Miliyoni 30.
Rutahizamu w’ikipe y’igihugu ya Portugal ndetse na Al Nassr yo muri Saudi Arabia niwe uyoboboye abandi bakinnyi bose mu kugira umugore ufite uburanga kurusha abandi Umugore wa Cristiano Ronaldo yitwa Georgina Rodriguez ,bahuye muri 2016 ubwo uyu mugore yakoraga mu iduka ry’ibicuruzwa bya Gucci riherereye i Madrid bahita batangira no gukundana.
Kuri ubu bamaze kubyarana abana 3 gusa abariho ni 2. Mu 2017 bababyaranye umwana w’umukobwa bamwita Alana Martina maze no mu 2022 babyara abandi b’impanga gusa uwabashije kubaho ni umwe w’umukobwa bise Bella Esmeralda.
