Tiwa Savage utegerejwe gutaramira mu birori byo gusoza Iserukiramuco rya Giants of Africa yageze i Kigali mu gitondo cyo kuri uyu wa 19 Kanama 2023, mbere y’amasaha make ngo asusurutse abakunzi b’umuziki we.
Tiwatope Savage [Tiwa Savage] w’imyaka 43 y’amavuko ategerejwe mu gitaramo kiraba kuri uyu wa 19 Kanama 2023 muri BK Arena. Aragihuriramo na Davido nawe wamaze kugera mu Rwanda, Bruce Melodie ndetse na Tyla. Tiwa Savage ugeze mu Rwanda ku nshuro ya mbere, akigera i Kigali yahise akomereza muri BK Arena aho agomba guhita akora ‘sound check’.
Uyu mugore ugiye gutaramira mu Rwanda n’icyamamare gikomeye kw’isi muri muzika kuko ari mu bahanzi bo muri Nigeria bavugwa cyane ndetse bakanakore akayabo mu mwuga wabo wo kuririmba. Tiwa Savage mu minsi yashize haherutse gusakara amashusho amugaragaza ari gukora imibonanompuzabitsina , nyuma ahita ashyira hanze indirimbo nyinshi maze bimwongerera kuvugwa ndetse no kugurisha cyane.
AMAFOTO
Iyi n’ifoto y’igihe igaragaza Tiwa Savage mu Rwanda aho yahise yerekeza muri BK Arena mu gutegura urubyiniro ari butaramireho we na bagenzi be uyu munsi.
