Inama yahuje ibihugu by’i Burayi yemeje gusubukura ingendo ziza muri ibyo bihugu guhera tariki 01 Nyakanga 2020.
Ku ikubitiro, abaturage bo mu bihugu 14 ni bo bemerewe kwerekeza mu muryango w’Ubumwe bw’Ibihugu by’i Burayi (UE) kubera kurwanya neza COVID-19.
Abaturage bo mu bihugu nka Leta zunze Ubumwe za Amerika, u Burusiya na Turkiya ntibari muri abo bemerewe.
Ibyo bihugu byemerewe ni Australia, Canada, Koreya y’Epfo, u Buyapani, Nouvelle-Zélande, u Rwanda, Thaïlande, Uruguay, Algérie, Maroc, Tunisie, Géorgie, Monténégro, na Serbia.
Kwirinda birakomeza, ariko ndashima cyane ibihugu 4 by’Afurika,3 biri mu muryango wacu wa #LaFrancophonie 😏 byatoranijwe n’Umuryango w”Uburayi ngo bifungurirwe imipaka yawo kuva iya 1 Nyakanga kubera kurwanya neza icyorezo cya koronavirusi: #Tunisia,#Maroko,#Rwanda na #Algeria
— Louise Mushikiwabo (@LMushikiwabo) June 27, 2020
