Mama wa Pep Gaurdiola utoza Manchester City yo mu Bwongereza, yapfuye kuri uyu wa Mbere azize icyorezo cya Coronavirus.
Ku gicamunsi cyo kuri uyu wa Mbere ni bwo ikipe ya Manchester City yo mu Bwongereza, yatanze itangazo ry’akababaro rivuga ko Mama wa Pep Guardiola, yapfuye azize icyorezo cya Coronavirus.
Ni itangazo rigira riti “ Umuryango wa Manchester City ubabajwe no kumenyesha urupfu rwa Maman wa Pep Dolors Sala Carrió I Manresa mu mujyi wa Barcelone nyuma yo kwandura icyorezo cya Coronavirus. Yari afite imyaka 82.”
- Pep Guardiola ari kumwe na Mama we Dolors Sala Carrió, muri Kamena 2015
Pep Gauardiola w’imyaka 49, mu kwezi gushize yari yatanze ibihumbi 918 by’ama Pounds, ni Hafi Miliyari y’amafaranga y’u Rwanda, yo gufasha mu guhangana n’iki cyorezo mu gihugu cye cy’amavuko cya Espagne.
Kugeza igihugu cya Espagne kiri mu bihugu byakozweho cyane n’iki cyorezo, aho abantu 135,032 bamaze kuyandura, 13,055 ikaba imaze kubahitana, naho abantu 40,437 bakaba barabashije kuyikira.
