Hagendewe ku mibare ya Kaminuza ya Johns Hopkins, muri Leta zunze ubumwe za Amerika, yo kuwa Kabiri tariki ya 28 Mata 2020, umubare w’Abanyamerika bamaze kwicwa n’icyorezo cya COVID-19 wamaze kurenga uw’abasirikare ba USA baguye mu ntambara ya Vietnam.
- Uko ibihugu bikurikirana mu mibare y’abanduye, abapfuye, abakize n’abakirwaye
Imibare igaragaza ko abantu 59,266 ari bo bamaze guhitanwa n’icyo cyorezo muri Leta zunze ubumwe za Amerika, mu gihe abasirikare baguye mu ntambara ya Vietnam ari 58,220.
Mu mezi abiri gusa icyorezo cya Coronavirus kigeze muri Leta zunze ubumwe za Amerika, ubu ni cyo gihugu cya mbere ku isi gifite umubare munini w’abacyanduye n’abo cyahitanye.
Ni mu gihe intambara ya USA na Vietnam yamaze imyaka 20 (1955-1975).
Icyorezo cya Coronavirus kugeza ubwo twandikaga iyi nkuru, abantu 3,148,709 ni bo bari bamaze ku cyandura ku isi yose, harimo 12,201 bashya. Abantu 218,371 bamaze gupfa, 962,417 baravuwe barakira, naho abakirwaye kugeza ubu ni 1,967,921.
Muri USA, abanduye bose ni 1,035,765, abamaze gupfa ni 59,266, abavuwe bagakira ni 142,238, naho 834,261 ni bo bakirwaye.
Mu gihugu cy’u Bushinwa aho iki cyorezo cyagaragaye bwa mbere mu mpera za 2019, abanduye bose hamwe ni 82,858, muri bo 4,633 cyarabahitanye, 77,578 baravuwe barakira, naho abakirwaye ni 647.
